Habitat Tərcümə Layihəsi
Habitat tərcümə layihəsi (HTL) fundamental elmi dərslikləri Azərbaycan dilinə qazandırmaq üçün başladılmış akademik bir hərəkatdır. Ölkənin universitetlərində istifadə olunan dərsliklərin böyük əksəriyyəti zamanın tələblərinə uyğun gəlmir, mövcud institutlar və şirkətlər isə bu çatışmazlığı aradan qaldırmaq üçün hələ ki, heç bir addım atmaq istəmir. Reallıq budur ki, bu kitablar olmadan təhsil keyfiyyətinin yuxarı qalxmasını gözləmək olmaz. Buna baxmayaraq, bu kitabları Azərbaycan dilinə qazandırmaq üçün Azərbaycan cəmiyyətinin həm maddi və həm də insan potensialı var. Bu potensialı hərəkətə keçirmək üçün biz saytımız üzərindən tərcümə hərəkatına qoşulmaq istəyən şəxsləri bir–birilə calaşdırmağa və öz başlatdığımız dərslik tərcüməsini həyata keçirməyə çalışırıq. Əgər siz də dərslik tərcüməsində iştirak etmək və hərəkatla bağlı daha ətraflı məlumat almaq istəyirsinizsə aşağıdakı səhifələrə nəzər salın.
-
Tərcümə etməkdə olduğumuz, 8 bölümə paylanmış və 56 fəsildən ibarət olan Campbell Biologiya kitabı biologiyaya giriş xarakteri daşıyır.
-
Kitab biologiyanın tədris proqramına daxil olduğu bütün ixtisas proqramlarında istifadə olunur. Campbell indiyə qədər çin, yapon, alman, fransız, italyan, rus, türk, fars kimi böyük dillər də daxil olmaqla dünyanın 19 dilinə tərcümə olunmuş və müvafiq ölkələrin qabaqcıl universitetlərində istifadə olunmaqdadır.
- Araz Zeyniyev (tərcüməçi, elmi redaktor)
- Ərtoğrul Alışbəyli (tərcüməçi, elmi redaktor)
- Naqi Məhəmmədzadə (tərcüməçi, terminoloq)
- Cəfər İsbarov (tərcüməçi, terminoloq)
- Mehman Abdullayev (ədəbi redaktor)
- Firudin Həsənov (korrektor)
- Şəbnəm Məhərrəmova (tərtibatçı)
Statistika bütün elm sahələrində araşdırmanın və analizin əhəmiyyətli bir parçası olmaqla bərabər XXI əsrdəki məlumat axını qarşısında adi insanlara bu məlumatla optimal şəkildə davranmaq üçün alətlər verir.
Kitabın müəllifi Stanford Universitetində Təkrarlana Bilən Neyroelm Mərkəzinin direktoru olan Russell Poldrack bu kitabı hamıya açıq şəkildə onlayn platformada dərc etmişdir.
- Ərtoğrul Alışbəyli (elmi redaktor)
- Google Translate (tərcüməçi)
Müsahibələr »
Nümunə işlər »
Mütəxəssisi olduğunuz sahə üzrə hansısa dərsliyi tərcümə etmək istəyirsinizsə, komanda qurmaqda sizə kömək edə bilərik.
Mövcud tərcümə layihəsinə töhfə vermək üçün keçiddəki formu dolduraraq layihə rəhbəri ilə əlaqəyə keçə bilərsiniz.
Azərbaycan elmi dilinin davamlılığı üçün bu dildə yazılmış əsərlərin hamı üçün əlçatan olması mütləqdir. Bu məqsədlə əldə etdiyimiz, istinad dəyərinə malik, müəllif haqlarından azad olmuş akademik kitabları dijitallaşdırıb internet məkanının ən böyük arxivlərindən olan archive.org-a yerləşdiririk.