1923-cü ildə açılan Milli Kitabxananın əsas vəzifələrindən biri Azərbaycanla bağlı və Azərbaycanda dərc olunan nəşrləri toplamaqdır. Mövcud elektron kataloqa alternativ axtarış imkanları yaratmaq üçün kitabxanadakı materialları fərqli dövrlərə ayırıb bir cədvəl faylı (.csv) şəklində bir yerə yığmışıq. Pre-Sovet dövrünü təmsil edən fayl kitabxanada bu dövrə aid bütün materialları (o cümlədən əlyazmaları və s.) əhatə edir. Digər dövrlərə aid sadəcə kitabları toplamışıq. Fayllarda kitabların adı, müəllifləri, nəşriyyat ili, məkanı, naşiri, kitabxana kataloq nömrələri göstərilib.
