Bir müddət bundan əvvəl Elmi Spektr yazarlarından Ərtoğrul Alışbəyli Equals Bakı-nın podkastı olan Hayasız Kadınlar-ın qonağı oldu, təhsil mövzusunda, xüsusilə də Salyan Universiteti ilə bağlı danışdı.
Təhsil məsələsi ilə bağlı “test imtahanları biliyi obyektiv ölçür” kimi ümumi iddiaların səsləndiyi, nağılların ciddiyə alındığı dövrü sona çatdırmağın vaxtıdır. Təhsil dedikdə hansı təhsil, hansı pillədə təhsil, harada təhsil, kimlərin təhsili və s. kimi suallar verməli, danışanın kim olduğuna, hansı mövqedən, kim və nə üçün danışdığına fikir verməliyik. Abstrakt məfhumlar dünyasında yaşayan “təhsil eksperti” ideyası bu müzakirələri aparmaq üçün kifayət deyil, çünki təhsil təkcə ekpertlərə buraxılmayacaq qədər ciddi məsələdir.
